Damhert

Bisten binne ús meibewenners

Bisterjochten en bistewolwêzen

Yn de gemeente Ljouwert libje mear bisten as minsken, mar by nije plannen wurde se faak fergetten. Bisten hawwe ek rjocht op in noflik plak, om har natuerlik gedrage te kinnen en mei respekt behannele te wurden.

Dêrom wol de Partij voor de Dieren in wethâlder foar Bisterjochten & Bistewolwêzen. De gemeente Ljouwert moat álle bisten better beskermje: húsdieren, lânboubisten en ek wylde bisten dy’t siik of ferwûne reitsje. Wy hâlde op mei de fee-yndustry en mei it brûken en deadzjen fan bisten foar ferdivedaasje, tradysje of moade.

Sa jouwe wy ek de bisten yn de gemeente Ljouwert lang om let de stim dy’t se fertsjinje.

  1. Wethâlder Bisterjochten & Bistewolwêzen. Wy stelle in wethâlder oan dy’t him folslein ynset foar bistewolwêzen. Op dy wize wurdt it fan bysaak, haadsaak.
  2. Stipe foar bistehelp. Organisaasjes lykas Kat in Nood en De Wissel krije foldwaande middels.
  3. Strange kontrôle. Wy pakke bistemishanneling en it fertutearzjen hurd oan.
  4. It rêden fan bisten as standert. Plysje en brânwar hâlde altyd rekken mei it rêden fan bisten.
  5. Plan tsjin hjittestress. Wy beskermje bisten by ekstreme hjittens.
  6. Minder feehâlderij. Boeren skeakelje oer nei plantaardige en natuerfreonlike bou.
  7. Gjin dongferwurkers. Dongferwurkingsynstallaasjes binne net wolkom yn de gemeente.
  8. Ophâlde mei  jacht en it angeljen. Wy beëinigje it brûken fan bisten foar ferdivedaasje.
  9. Betelbere bistesoarch. Wy helpe minsken mei lege ynkommens mei needsaaklike bistedokterskosten.
  10. Minder ljochtfersmoarging. As ferljochting echt nedich is, kiest de gemeente Ljouwert foar ljochten dy’t it minst steurend binne foar flearmûzen, fûgels en ynsekten.